Ölkəmizi Avropa Liqasında təmsil edən "Kəpəz" ikinci təsnifat mərhələsinin cavab matçında "Admira"nı qəbul edib. Аpasport.az xəbər verir ki, Gəncə təmsilçisinin məğlub duruma düşməsi və sərgilədiyi oyun tribunaya toplaşan azarkeşlərin narazılığına səbəb olub.

"Kəpəz"in ehtiyat oyunçular skamyasının arxa hissəsində yerləşən tribunada əyləşən fanatlar kənardan oyuna müdaxilə edirlər. Onların Şahin Diniyevə "bu oyunçunu çıxar, başqasını meydana burax" deməsi çalışdırıcını özündən çıxarıb. O da azarkeşlərə "Bəsdirin də, bəsdirin" deməklə, cavab verib.