Almaniyanın paytaxtı Berlində şahmat üzrə İddiaçılar turnirinin növbəti turu keçirilib.

Sportfm.az xəbər verir ki, yarışda Azərbaycanın yeganə təmsilçisi Şəhriyar Məmmədyarov 5-ci turda ardıcıl dördüncü dəfə heç-heçəyə imza atıb.

Onun budəfəki rəqibi çinli Din Lijen olub. Şəhriyar bu qarşılaşmadan sonra xallarının sayını 3-ə çatdıraraq ikinci yerdə qalıb.

Eyni nəticə Aleksandr Qrişuk (Rusiya) - Levon Aronyan (Ermənistan), Uesli So (ABŞ) - Vladimir Kramnik (Rusiya) və Fabiano Karuana (ABŞ) - Sergey Karyakin (Rusiya) qarşılaşmalarında da qeydə alınıb.

Turnir cədvəlinə Karuana liderlik edir, Məmmədyarov və Kramnik ondan yarım xal geri qalır.

Beş turdan sonra turnir cədvəlində vəziyyət: 1. Karuana - 3,5; 2-3. Məmmədyarov, Kramnik - 3; 4-6. Aronyan, Qrişuk, Din Lijen - 2,5; 7-8. Karyakin, So - 1,5.

Altıncı turun cütləri. Karuana - Qrişuk, Məmmədyarov - Kramnik, Din Lijen - Karyakin, So - Aronyan.

Turnirin mükafat fondu 420 min avrodur

1-ci yer - 95 min
2-ci yer - 88 min
3-cü yer - 75 min
4-cü yer - 55 min
5-ci yer - 40 min
6-c yer - 28 min
7-ci yer - 22 min
8-ci yer - 17 min

Oxşar xəbərlər

Ağ fiqurlar Məmmədyarova qələbə gətirəcəkmi?

Yeganə azərbaycanlı iki rusiyalıdan birini uddu

Qara fiqurlarla başlanğıc onun üçün uğurlu oldu

Şəhriyar erməni şahmatçı ilə mübarizəyə başlayır

Məmmədyarov şahmat tacına iddiaçılar sırasında