AFFA Məşqçilər Komitəsinin sədri Vaqif Sadıqov Böyükağa Hacıyevın durumu barədə məlumat verib.

Sportfm.az xəbər verir ki, o, B.Hacıyevin palataya köçürüldüyünü və onun vəziyyətinin ağır-stabil olaraq qaldığını söyləyib. Böyükağa Hacıyevin 6 il əvvəl beyin şişindən əməliyyat olunduğunu, indi isə həmin şişin biruzə verdiyini və bütün problemin onunla əlaqəli olduğunu deyib.

V. Sadıqov, həmçinin bildirib ki, təcrübəli mütəxəssis beyin şişi əməliyyatına hazırlaşdığı vaxt infarkt keçirib və hazırda onun ürəyini bərpa eləmək lazımdır. Onun sözlərinə görə, mütəxəssisin qan dövranı ürəyə 20 faiz daxil olur və həkimlər bunu ən azı 50 faizə çatdırmaq istəyirlər. Komitə sədri son olaraq Böyükağa Hacıyevin durumundan asılı olaraq fevralın 12-si onun müalicəsi haqda qərar veriləcəyini sözlərinə əlavə edib.

Qeyd edək ki, Böyükağa Hacıyev infarkt keçirdiyi üçün Mərkəzi Klinik Xəstəxanada əməliyyat olunub. Onun ürəyinə iki stent qoyulub. (sportnet.az)

Oxşar xəbərlər

Böyükağa Hacıyevin durumu necədir? - "Həkimlər deyir ki, irəliləyiş olmayacaq”

Böyükağa Hacıyevin vəziyyəti ağırlaşdı

"Böyükağa Hacıyevin səhhətində heç bir dəyişiklik yoxdur" - Vaqif Sadıqov

İnfarkt keçirən Böyükağa Hacıyevin əməliyyatdan sonrakı halı - FOTO

Mərkəzi Klinik Xəstəxana Böyükağa Hacıyevin vəziyyəti ilə bağlı açıqlama verdi