Azərbaycan Güləş Federasiyasının Prezidenti Fazil Məmmədovun əmri ilə Federasiyanın baş katibi Rəşad Əli-Zadə vəzifəsindən azad edilib. 
Sportfm.az saytı xəbər verir ki, Federasiya Prezidentinin əmrinə əsasən, Orxan Rasim oğlu Məmmədov Azərbaycan Güləş Federasiyasının baş katibi təyin olunub. 
Məlumat üçün bildirək ki, Orxan Məmmədov bundan əvvəl Azərbaycan Güləş Federasiyasında İdman şöbəsinin müdiri vəzifəsində çalışıb. Azərbaycan Dövlət Bədən Tərbiyəsi və İdman Akademiyasını bitirən Orxan Məmmədov yeniyetmə yaşlarından güləşin sərbəst növü ilə məşğul olub, dəfələrlə Azərbaycan çempionu, beynəlxalq turnirlərin qalib və mükafatçısı olub. Güləş idman növünün inkişafındakı xidmətlərinə görə o, "Azərbaycan Respublikası Prezidentinin Fəxri Diplomu" ilə təltif olunub, idman ustası, əməkdar məşqçidir. 

Oxşar xəbərlər

Minifutbol Federasiyasının prezidenti Orxan Məmmədov oldu

Beş ildir boş qalan posta təyinat - Tennis Federasiyasında

Fərid Mansurova yeni vəzifə verildi - Təyinat

Elçin Zeynalov 70 illik yubileyini qeyd edir

Firdovsi Umudova daha bir vəzifə həvalə edildi