Beynəlxalq Olimpiya Komitəsi (BOK) 2014-cü il Soçi Qış Olimpiadasında dopinqdən istifadə etdikləri iddia olunan daha 11 Rusiya idmançısına ömürlük qadağa tətbiq edib.

Sportfm.az xəbər verir ki, BOK-un 22 dekabr bəyanatında deyilir ki, konkisürənlər İvan Skobrev və Artyom Kuznetsov; kirşəçilər Tatyana İvanova və Albert Demçenko; sərbəst və düzənlik xizəkçiləri Nikita Kryukov, Aleksandr Bessmertnıx və Natalya Matveyeva; bobsleyçilər Lyudmila Udobkina və Maksim Belugin; xokkeyçilər Tatyana Burina və Anna Şukina iştirak etdikləri idman yarışlarından diskvalifikasiya olunublar.

Bu isə o deməkdir ki, bu idmançılar medallarından məhrum ediliblər və onların gələcək Olimpiya yarışlarında iştirakı qadağan olunub.

BOK-un İntizam Komissiyası bildirib ki, ümumilikdə 11 Rusiya idmançısı Olimpiadalar və onlarla bağlı hər hansı turnirlər üçün bütün gələcək akkreditasiyalardan məhrum edilirlər.

Oxşar xəbərlər

Rusiya bayrağı və himni Olimpiadada qadağan edilsin - TƏKLİF

Ruslar "Katyuşa"dan istifadə edə bilməyəcək - Qərar

Rusiyalı idmançılar diskvalifikasiya olundular

Rusiya iki Olimpiya medalını itirdi

Daha 3 idmançıya ağır cəza verildi