Beynəlxalq Olimpiya Komitəsi (BOK) 3 idmançını ömürlük idmandan uzaqlaşdırıb.

Sportfm.az xəbər verir ki, idmançıların 2014-cü ildə Soçi Qış Olimpiadasında mübarizə aparan zaman dopinqdən istifadə etməsi aşkarlanıb.

BOK-dan verilən açıqlamaya görə, xizək yarışı kateqoriyasında qüvvəsini sınayan Yuliya Çekaleva və Anastasiya Dotsenko ilə Olqa Zaytseva idmandan ömürlük uzaqlaşdırılıb.

Komitə dopinq nümunələri yenidən analiz edilən idmançıların sayının 36-ya çatdığını da qeyd edib. Beləliklə, son 1 ay ərzində dopinqdən istifadə etdiyinə görə 25 idmançı cəzalanıb.

Qeyd edək ki, Beynəlxalq Olimpiya Komitəsi daha öncə də Soçi Olimpiadasında qızıl və gümüş mükafatlar qazanan 5 idmançını yarışlardan ömürlük kənarlaşdırmışdı.

Oxşar xəbərlər

Olimpiadada medal sayı azaldıldı - 329-a endirildi

Yığmamızın üzvü dopinqdən istifadə etdi, idmandan uzaqlaşdırıldı - ŞOK

İdman Arbitraj Məhkəməsi Beynəlxalq Olimpiya Komitəsinin qərarını ləğv etdi

11 idmançıya ömürlük qadağa tətbiq edildi - ŞOK

5 olimpiadaçı ömürlük idmandan uzaqlaşdırıldı