Azərbaycan millisinin baş məşqçisi Robert Prosineçki Dünya Çempionatının seçmə mərhələsi haqda danışıb.

 

Ölkənin index.hr portalına açıqlama verən xorvatiyalı mütəxəssis rəqiblərə başağrısı olmağa çalışacaqlarını deyib:

 

"Azərbaycan yığması inkişafdadı. Bu vaxta qədər bir neçə yaxşı nəticəyə imza atmışıq. Dünya çempionatının seçmə mərhələsində hamı üçün güclü rəqib olmağa çalışacağıq. Əsas məqsədimiz budur".

 

Prosineçki komandasının mundiala vəsiqə qazanacaq gücdə olmadığını etiraf edib: 

 

"Çətin ki, Rusiyada baş tutacaq mundiala vəsiqə qazanaq. Bunu bacarmağı çox istəyirik. Mövzu ilə bağlı çox danışa bilərəm. Ümumilikdə hər şey o qədər də pis deyil”.