Türkiyənin Antalya şəhərində keçirilən gənc boksçular arasında Avropa birinciliyində finalçıların adı məlum olub. Azərbaycan millisinin iki boksçusu da həlledici döyüşə adını yazdırıb.

Azərbaycan Boks Federasiyasından Sportfm.az saytına bildiriblər ki, baş məşqçi Vaqif Şirinovun yetirmələrindən Amin Kuşkov yarımfinal görüşündə İvan Papakinlə (Ukrayna) üz-üzə gəlib. 75 kiloqram çəki dərəcəsində mübarizə aparan boksçumuz rəqibinə heç bir şans verməyib – 5:0. O, finalda rusiyalı Daniel Teterevlə qüvvəsini sınayacaq.

İlk iki görüşünü nokautla bitirən digər idmançımız Məhəmməd Abdullayev (91 kq-dan yuxarı) Yosip Biletiç (Xorvatiya) üzərində də texniki qələbə qazanıb. O, bu dəfə rəqibini üçüncü raundda nokauta salıb. M.Abdullayev qızıl medal uğrunda Yunanıstanı təmsil edən Vaqkan Nanitzanyanla qarşılaşacaq.

Yarımfinalda mübarizə aparan digər iki boksçumuz isə finala yüksələ bilməyib. Həsən İbrahimov (49 kq) Sahil Allahverdiyevə (Gürcüstan), Surət Qarayev (81 kq) Ruslan Kolesnikova (Rusiya) məğlub olduqlarından birinciliyi bürünc medalla başa vurublar.

Qeyd edək ki, final görüşləri bu gün keçiriləcək.

Oxşar xəbərlər

Boksçularımız Avropa birinciliyinin finalına yüksəldi

Tayfur Xoseni döydü, Roberti gözləyir

Boksçumuz erməniyə qalib gəlib, Avropa çempionu oldu

Gənc boksçularımız Avropa çempionatının yarımfinalına yüksəlib

Boksçumuz ermənini rinqə çıxmağa peşman etdi