FİFA Pakistan Futbol Federasiyasının (PFF) üzvlüyünü dayandırıb.

Sportfm.az xəbər verir ki, buna səbəb təşkilatın işinə üçüncü tərəfin qarışması olub.

Bildirilir ki, PFF-nin ofis və hesabları məhkəmənin təyin etdiyi inzibatçının nəzarəti altında qalıb və bu da təşkilatın işlərinə üçüncü tərəfin qarışmamasına dair öhdəliyin pozulmasıdır. Nəzarət federasiya rəhbərliyinə keçdikdən sonra üzvlük bərpa olunacaq. Sanksiya qüvvədə olduğu müddətdə Pakistan yığması və bu ölkənin klubları beynəlxalq yarışlarda iştirak edə bilməzlər.

Qeyd edək ki, Pakistan millisi sonuncu dəfə 2015-ci ildə FİFA bayrağı altında 2018-ci il dünya çempionatının seçmə mərhələsi çərçivəsində Yəmənlə qarşılaşıb və iki matçın nəticəsinə əsasən mübarizəni dayandırıb. Komanda FİFA reytinqində 200-cü yerdə qərarlaşıb.

Oxşar xəbərlər

Pakistan millisinin futbolçusu “Sumqayıt”da - Anlaşma

FİFA-dan Şri Lanka futboluna zərbə - QƏRAR

FIFA bu ölkələrin üzvlüyünü dayandırdı - CƏZA

Dövlət müdaxilə etdi, FIFA bu ölkənin üzvülüyünü dondurdu

FİFA bu ölkəni üzvlükdən məhrum etdi