Avropa zonasında futbol üzrə dünya çempionatının təsnifat mərhələsinə yekun vurulub.

Sportfm.az xəbər verir ki, son turda A və B qruplarının qalibləri, həmçinin H qrupundan pley-off mərhələsinə vəsiqə qazanan komandalar müəyyənləşib.

A qrupunda birinci yeri doğma meydanda Belarusu 2:1 hesabla məğlub edən Fransa millisi tutub. İkinci pillədə Hollandiyanı vurulan qolların sayına görə qabaqlayan İsveç millisi qərarlaşıb.

B qrupunda son turda İsveçrə üzərində 2:0 qələbə qazanan Portuqaliya yığması qrup birincisi kimi mundiala vəsiqəni təmin edib. İsveçrə isə məğlubiyyətdən sonra ikinci pilləyə düşüb və mübarizəni pley-off mərhələsində davam etdirəcək.

H qrupunda ikinci yeri Gibraltar millisini 4:0 hesabı ilə darmadağın edən Yunanıstan komandası tutub.

Beləliklə, Avropa zonasından DÇ-2018-ə birbaşa vəsiqəni Fransa, Portuqaliya, Almaniya, Serbiya, Polşa, İngiltərə, Belçika və İslandiya yığmaları qazanıblar.

Oxşar xəbərlər

Türkiyə Monteneqro, Fransa Finlandiya ilə qarşılaşacaq - DÇ-2022

Yığmamız dörddəbir finala vəsiqə qazandı - Şahmat Olimpiadası

4 komanda mundiala vəsiqə qazandı - Elit-raund mərhələsinə yekun vuruldu

Rusiyaya yollanacaq bütün yığmalar məlumdur - SİYAHI

Xorvatiyadan inamlı, İsveçrədən minimal hesablı qələbə - DÇ-2018: Avropa zonasında pley-off mərhələsi