Tbilisidə "Milan"ın sabiq üzvü Kaxa Kaladzenin təşkilatçılığı ilə xeyriyyə matçı keçirilib.

Sportfm.az xəbər verir ki, matçda Kaladzenin keçmiş klub yoldaşları ilə yaxın keçmişin məşhur futbolçuları qarşılaşıb.
İştirakçılar arasında Luka Toni, Rivaldo, Andrey Şevçenko, Kafu, Françesko Totti, Ernan Krespo, Kevin Kurani, Alessandro Kostakurta, Xavyer Sanetti və başqaları olub.
Görüş dünya yığması komandasının 6:5 hesablı qələbəsi ilə başa çatıb. Matçda qolları Toni (dubl), Aleksandr İaşvili, Miçel Salqado, Rivaldo, Kafu, Kurani, Totti, Georgi Demetradze, Şevçenko və Marko Delvekkio vurub.
Oyuna bilet satışından əldə olunan bütün vəsait bu yay güclü yanğınlardan zərər çəkmiş Borjomi meşələrinin bərpasına sərf olunacaq.

Oxşar xəbərlər

Françesko Totti koronavirusa yoluxdu - Özünü yaxşı hiss edir

Dünya futbol ulduzları Gürcüstanda meşə yanğınları üçün bir arada

"Milan"ın sabiq ulduzu hədiyyə payladı - FOTOLAR

Ronaldinyo Maradonaya qalib gəldi

Romada meydana çıxacaqlar: Maradona, Totti, Ronaldinyo...