Bakıda qadın voleybolçular arasında keçirilən Avropa çempionatında bu gün pley-off mərhələsinə yekun vurulacaq.

Sportfm.az xəbər verir ki, Milli Gimnastika Arenasında baş tutacaq 2 qarşılaşmadan sonra 1/4 final cütlərinin hamısı bəlli olacaq.

Günün ilk qarşılaşmasında Polşa Türkiyəni sınağa çəkəcək. Qrup mərhələsində gözlənilən oyunu nümayiş etdirə bilməyən komandaların duelinin gərgin alınacağı proqnozlaşdırılır. "Ay-ulduzlular" rəqibləri ilə müqayisədə şanslı hesab edilsələr də, mərhələ adlamaqları heç də asan olmayacaq. Cütün qalibi isə Rusiya ilə oynayacaq.

Digər pley-off matçında Bolqarıstan Almaniya ilə üz-üzə gələcək. Bu görüşdə də aşkar favorit yoxdu. Lakin bolqarların heyətinin rəqibləri ilə müqayisədə daha təcrübəli voleybolçulardan təşkil olunması xeyirlərinə olan amildi. Cütün qalibi isə 1/4 finalda Azərbaycan yığmasına rəqib olacaq.

Avro-2017

Pley-off mərhələsi

27 sentyabr

18:00. Polşa - Türkiyə

20:30. Bolqarıstan - Almaniya

Qeyd edək ki, 1/4 final mərhələsində İtaliyanın Hollandiya, Serbiyanın Belarusla oynayacağı dəqiqləşib.

Oxşar xəbərlər

Euro-2017: Hollandiya İtaliyaya şans vermədi

Euro-2017: Xorvatiya turnirlə vidalaşdı

Euro-2017: Belarus yığması 1/4 finalda

Euro-2017: Polşa qalib gəldi, Türkiyə uduzdu - Nəticələr

Voleybol üzrə Avropa çempionatının ilk günü - Nəticələr və təqvim