Yeni mövsümün hazırlığını davam etdirən “Araz-Naxçıvan” daha bir futbolçu ilə anlaşıb.
Sportfm.az xəbər verir ki, bu haqda klubun mətbuat xidməti məlumat yayıb.

Braziliyalı qapıçı Artur Auqusto Da Silva 2026-2027-ci illər mövsümünü Naxçıvan təmsilçisinin heyətində keçirəcək. 27 yaşlı qolkiperlə 1 illik müqavilə imzalanıb.

O, karyerası ərzində Braziliyanın “Desportivo Braziliya”, Portuqaliyanın “Oliveyrense”, “Feyrense” klublarının qapısını qoruyub. Auqustonun son klubu isə “Semen Padang” (İndoneziya) olub.

Qeyd edək ki, “Araz-Naxçıvan” buna qədər Tərlan Əhmədli, Ömər Buludov, Slavik Alxasov, İbrahim Piriyev, Ülvi İsgəndərov, Rəşad Həsənov, Alberto Qarsia Fernandes, Alexandro Herrera, Rövlan Muradov, İssouf Paro, Mustafa Əhmədzadə və Luka Dumançiçlə yeni müqavilə imzalayıb.

Oxşar xəbərlər

Millimizin üzvü “Araz-Naxçıvan”la müqavilə imzaladı - RƏSMİ

Paro "Araz-Naxçıvan"la davam edəcək

“Araz-Naxçıvan”da növbəti futbolçu

İspaniya millisinin oyunçusu Araz-Naxçıvan”da

“Araz-Naxçıvan” 2 futbolçu ilə müqavilə yenilədi