UEFA Konfrans Liqasının finalçıları müəyyənləşib.

Sportfm.az xəbər verir ki, İngiltərə "Kristal Pelas"ı evdə Ukrayna "Şaxtyor"unu 2:1 hesabı ilə məğlub edib.

Bu komandaların ilk görüşündə də "Dumanlı Albion" təmsilçisi qələbə qazanmışdı - 3:1. Beləliklə, "Kristal Pelas" ümumi nəticə 5:2 hesablı üstünlüklə adını finala yazdırıb.

Digər finalçının adına isə Fransada aydınlıq gəlib. "Rayo Valyekano" səfərdə "Strasburq"a ilk oyundakı kimi minimal hesabla qalib gələrək iki oyunun yekununda (2:0) mərhələ adlayıb.

UEFA Konfrans Liqası
Yarımfinal mərhələsi, cavab oyunları
7 may (cümə axşamı)

23:00. "Kristal Pelas" (İngiltərə) - "Şaxtyor" (Ukrayna) - 2:1

Qollar: Pedro Enrike, 25 (öz qapısına); İsmaila Sar, 52 - Eginaldo, 34
Baş hakim: Alexandro Hernandes (İspaniya)
London, "Selhurst Park"
İlk oyun - 3:1

23:00. "Strasburq" (Fransa) - "Rayo Valyekano" (İspaniya) - 0:1

Qol: Alemao, 42
Baş hakim: İvan Krujlyak (Slovakiya)
Strasburq, "Stade de la Meinau"

İlk oyun - 0:1

Qeyd edək ki, UEFA Konfrans Liqasının finalı mayın 27-si Almaniyanın Leypsiq şəhərində yerləşən "Red Bull Arena"da keçiriləcək. Görüşə Bakı vaxtı ilə saat 23:00-da start veriləcək.

Oxşar xəbərlər

Bu gün finalçılar bəlli olacaq - Konfrans Liqası

“Şaxtyor” yarımfinala çıxdı - Konfrans Liqası

Bu gün yarımfinalçılar müəyyənləşir - Konfrans Liqası

Konfrans Liqasında 1/4 final həyəcanı - YENİLƏNİR

"Samsunspor"a qələbə bəs etmədi - Konfrans Liqası