Türkiyənin “Qalatasaray” komandasının ulduz futbolçusu Mauro İkardi şəxsi həyatındakı çətinliklərdən sonra indi də Türkiyədə icra işləri ilə gündəmə gəlib.

Sportfm.az xəbər verir ki, argentinalı hücumçunun köhnə ev sahibi tərəfindən məhkəməyə verildiyi məlum olub.

İkardi Göktürkdə Vanda Nara ilə birlikdə yaşadığı, aylıq kirayə haqqı 40 min dollar (68 min AZN) olan villanı müqavilə müddəti bitmədən tərk edib. İddiaya görə, futbolçu evi erkən boşaltdığı üçün qalan kirayə məbləğini ödəməyib. Ev sahibi isə bir illik kirayə haqqını tələb edərək hüquqi proses başladıb.

Hazırda İkardiyə qarşı üç ayrı icra sənədi açılıb. Digər bir iddia isə futbolçunun villadan pis istifadə etməsi ilə bağlıdır. Ev sahibi mülkün yenidən qaydaya salınması üçün ciddi xərc tələb olunduğunu bildirərək təzminat iddiası qaldırb. Hazırda tərəflər arasında mediasiya prosesi davam edir, razılıq əldə olunmasa, məsələyə məhkəmə baxacaq.

Qeyd edək ki, İkardinin keçmiş həyat yoldaşı Vanda Nara ilə də Argentinada məhkəmyə çəkişməsi var.

Oxşar xəbərlər

Sevgililər barışdı - “Həyatımın qadını deyildin"

İkardi "Qalatasaray"la danışıqlara başladı

Həyat yoldaşı onun gələn mövsüm oynayacağı klubu açıqladı

Milan klubuna ultimatum göndərdi - FOTO

Maradona yenə ortalığı qarışdırdı