FİFA 2026-cı il dünya çempionatı öncəsi İran millisinin oyunlarının keçiriləcəyi məkanlarla bağlı yayılan iddialara aydınlıq gətirib.
Sportfm.az xəbər verir ki, "The Athletic" nəşrinə danışan FİFA rəsmisi İran Futbol Federasiyasının prezidenti Mehdi Tacın oyunların ABŞ-dan Meksikaya köçürülməsi ilə bağlı danışıqlar aparıldığı barədə məlumatına münasibət bildirib. Ali futbol qurumu bütün üzv assosiasiyalarla, o cümlədən İranla daimi təmasda olduqlarını, lakin bütün komandaların 2025-ci il dekabrın 6-da təsdiqlənmiş rəsmi cədvələ uyğun mübarizə aparacağını vurğulayıb. Bu isə o deməkdir ki, hazırda oyunların yerinin dəyişdirilməsi planlaşdırılmır.

Qeyd edək ki, Asiya zonasından vəsiqə qazanan İran seçməsi mundialın G qrupunda Belçika, Misir və Yeni Zelandiya ilə mübarizə aparacaq. Mövcud təqvimə əsasən, iranlılar Yeni Zelandiya və Belçika ilə Los-Ancelesdə, Misirlə isə Sietldə qarşılaşmalıdırlar.

Oxşar xəbərlər

İran Futbol Federasiyası FİFA-ya müraciət etdi - DÇ-2026

İran yığması Dünya Çempionatına getməyəcək?

DÇ-2026-nın püşkü atıldı - Qruplar bilindi

Dünya çempionatının səbətləri açıqlandı

Ukrayna İranla bağlı FİFA-ya müraciət etdi