“Neftçi” Azərbaycan çempionatlarında 150-ci penaltisini vurub.

Sportfm.az PFL-in saytına istinadən xəbər verir ki, bu, Misli Premyer Liqasının 24-cü turunun “Qəbələ” ilə səfər matçına (3:1) təsadüf edib. Emin Mahmudov komandasının görüşdəki 2-ci qoluna 11 metrlik cərimə zərbəsindən imza atıb.

1992-ci ildən keçirilən ölkə çempionatlarının daimi iştirakçısı olan “ağ-qaralar” 34 mövsümdə vurduğu 150 penaltidən 120-ni qola çevirib. Paytaxt təmsilçisinin dəqiqlik faizi 80-ə bərabərdir.

“Neftçi” turnirin tarixi ərzində vurulan penalti sayında yalnız “Qarabağ”dan geri qalır. Hər iki komanda 1992-ci ildən Premyer Liqanın (əvvəl güclülər dəstəsi) daimi iştirakçılarıdır.

Qeyd edək ki, “Neftçi” ilk penaltisini 1992-ci il mayın 8-də Sumqayıt “Xəzər”i ilə qarşılaşmada vurub. Yunis Hüseynov komandasına 1:0 hesablı qələbə qazandıran qola imza atıb.

Oxşar xəbərlər

Ukraynalı Azərbaycan klubunun tarixinə düşdü - 1600 qol

"Neftçi" yeni antirekorda imza atdı - uğursuzluq

"Neftçi"dən 20-ci böyükhesablı məğlubiyyət

"Neftçi"dən 200-cü bərabərlik

"Neftçi"dən yubiley qolu