"Qarabağ" Misli Premyer Liqasının XIX turunda son dəqiqə qolu ilə "Şamaxı"nı məğlub edib.

Sportfm.az xəbər verir ki, Şamaxı şəhər stadionunda baş tutan qarşılaşma qonaqların 2:1 hesablı qələbəsi ilə yekunlaşıb.

14-cü dəqiqədə meydan sahiblərinin heyətində Oruc Məmmədov hesabı açıb. 18-ci dəqiqədə Ağdam təmsilçisinin yarımmüdafiəçisi Joni Montiel cərimə zərbəsindən baxımlı qola imza atıb. 90+4-cü dəqiqədə isə Kamilo Duran adını tabloya yazdırıb.

Bu nəticədən sonra xallarının sayını 42-yə çatdıran "Qarabağ" ikinci pillədə qərarlaşıb. 23 xalı olan "Şamaxı" 8-ci sıradadır.

Günün ikinci oyununda "Neftçi" "Qəbələ"ni qəbul edəcək.

Qeyd edək ki, XIX turun daha əvvəl keçirilən görüşlərində "Sabah" "Araz-Naxçıvan"ı (4:1), "Zirə" "Sumqayıt"ı (3:2), "Turan Tovuz" "Karvan-Yevlax"ı (1:0) üstələyib, "İmişli" - "Kəpəz" görüşündə isə hesab açılmayıb.

Oxşar xəbərlər

“İmişli” “Kəpəz”ə, “Turan Tovuz” “Karvan-Yevlax”a qarşı - Premyer Liqa

“Kəpəz” “Şamaxı”ya, “Zirə” “Sabah”a qarşı - Premyer Liqa

Premyer Liqa və kubokda yeni mövsümünün tam təqvimi

"Qarabağ"dan növbəti qələbə - Misli Premyer Liqası

"Neftçi" və "Zirə" 3 xal qazandı - Premyer Liqa