Yunanıstanın PAOK klubunun azarkeşlərini daşıyan mikroavtobus ağır yol qəzasına uğrayıb.
Sportfm.az xarici KİV-ə istinadən xəbər verir ki, faciə Rumıniya ərazisində baş verib. İçərisində 10 azarkeşin olduğu nəqliyyat vasitəsi komandalarını dəstəkləmək üçün Yunanıstandan Fransaya, Avropa Liqasının əsas mərhələsinin 8-ci turu çərçivəsində keçiriləcək "Lion"la oyuna yollanırmış.

Məlumata görə, dəhşətli qəza nəticəsində 7 azarkeş dünyasını dəyişib, 3 nəfər isə müxtəlif dərəcəli xəsarətlər alıb.

Yunanıstan Xarici İşlər Nazirliyi dərhal məsələyə reaksiya verib. Ölkənin Buxarestdəki səfirliyinə və konsulluğuna zərərçəkənlərə, eləcə də onların ailələrinə hər cür köməkliyin göstərilməsi tapşırılıb. Xüsusi nümayəndə heyəti hadisə yerinə və yaralıların yerləşdirildiyi xəstəxanalara yollanıb.

Oxşar xəbərlər

Türkiyə klubunun avtobusu qəzaya uğradı - Hadisə

Azarkeşləri daşıyan mikroavtobus aşıb, 1 nəfər öldü - Premyer Liqa

Futbolçular qəzaya düşdü - 9 futbolçu və 1 məşqçi öldü

Əyləc tutmadı, 8 futbolçu xəstəxanalıq oldu - FOTO

Futbolçuları daşıyan təyyarə qəzaya düşdü