UEFA Çempionlar Liqasındakı növbəti oyun "Qarabağ" üçün çox vacibdir.

Sportfm.az xəbər verir ki, bunu komandanın baş məşqçisi Qurban Qurbanov mətbuat konfransında deyib.

Təcrübəli mütəxəssis Bakıda Almaniyanın "Ayntraxt" (Frankfurt) komandasına qarşı keçirəcəkləri UEFA Çempionlar Liqasının əsas mərhələsinin VII turunun oyunu ilə bağlı fikirlərini bölüşüb:

"Çox vacib oyundur. Hazırlaşmaq üçün çox vaxtımız olmadı. Sakit matça hazırlaşmışıq. Az vaxtdan səmərəli istifadə etdik. Futbolçuları fiziki baxımdan hazırlamalı idik. Meydanda intizamlı kollektivlər görəcəyik".

Qurbanov hava şəraiti ilə bağlı da danışıb:

"Hər durumda intizamlı olmağa çalışacağıq. Nadir hallarda belə havalarda matçlar təxirə salınır. İnanıram ki, hava oyuna ciddi təsir etməyəcək"

Xatırladaq ki, "Qarabağ" - "Ayntraxt" matçı yanvarın 21-də, saat 21:45-də Tofiq Bəhramov adına Respublika stadionunda keçiriləcək.

Oxşar xəbərlər

"Çalışacağıq ki, istəkli futbol sərgiləyək" - Qurban Qurbanov

"Böyük klubları Bakıda görmək azarkeşlər üçün stimuldur" - Qurban Qurbanov

"90 dəqiqə diqqətli olmalıyıq" - Qurban Qurbanov

Qurbanov: Qalib gələcəyimiz təqdirdə...

"Polşada rəqibin gücünü hiss etdik" - Qurban Qurbanov