UEFA-nın mətbuat xidməti Çempionlar Liqasının 4-cü turunda keçirilən “Liverpul” – “Real” oyununda baş hakim İştvan Kovaçın “kral klubu”nun qapısına penalti təyin etməməsinin səbəbini açıqlayıb.

Sportfm.az xəbər verir ki, 30-cu dəqiqədə “Liverpul”un yarımmüdafiəçisi Dominik Soboslayinin zərbəsindən sonra top “Real”ın futbolçusu Orelyen Tçuameninin qoluna dəyib. Hakim əvvəlcə cərimə zərbəsi təyin etsə də, epizodu VAR vasitəsilə izlədikdən sonra qərarını dəyişib.

UEFA açıqlamasında belə qeyd edib:

“Top “Real”ın oyunçusunun sol qoluna toxunub, amma həmin qol bədənə çox yaxın və təbii vəziyyətdə idi”.

“Enfild”də baş tutan qarşılaşma “Liverpul”un 1:0 hesablı qələbəsi ilə yekunlaşıb. Oyunun yeganə qolunu Aleksis Makallister vurub.

Xatırladaq ki, “Liverpul” “Qarabağ”ın Çempionlar Liqasındakı rəqiblərindən biridir.

Oxşar xəbərlər

Frank De Blekere hakim qərarlarını şərh etdi

"Liverpul" - "Real" 2:0 - VİDEO

İtalyanlar "Liverpul"un seriyasını qırdı

"Liverpul" "Real Madrid"ə, "Napoli" "Ayntraxt"a qarşı - Çempionlar Liqası

Roberto Bordin:""Qarabağ"ın qapısına penalti təyin edilməli idi"