Azərbaycanın çimərlik güləşi üzrə dördqat dünya çempionu İbrahim Yusubov (90 kq) karyerasını başa vurub.

Sportfm.az xəbər verir ki, idmançı bu barədə Bakıdakı qarşılanma mərasimində jurnalistlərə açıqlama verib.

O, Misirin İsgəndəriyyə şəhərində təşkil edilən Dünya Seriyasının final mərhələsinin karyerasında sonuncu yarış olduğunu söyləyib:

"Dördüncü dəfə dünya çempionu oldum. Turnir yüksək səviyyədə təşkil olunmuşdu. Biz də çox yaxşı hazırlaşmışdıq. Bayrağımızı qaldırmaq və himnimizi səsləndirmək istəyirdik. Buna da nail olduq. Azərbaycan Güləş Federasiyasının rəhbərliyinə, məşqçilərimizə təşəkkür edirəm".
Qeyd edək ki, Azərbaycan təmsilçiləri yarışda 2 qızıl, 1 bürünc medal qazanıblar. İbrahim Yusubov (90 kq) və Vüsal Əliyev (80 kq) qızıl, Sahib Dadaşov (80 kq) isə bürünc mükafata sahib çıxıb.

Oxşar xəbərlər

Güləşçilərimiz Dünya Seriyasının qalibi oldu

Stadnik karyerasını başa vurdu - AÇIQLAMA

İki güləşçimiz dünya çempionu oldu

Güləşçilərimizdən 1 qızıl, 1 bürünc medal - Dünya çempionatı

İki güləşçimiz dünya çempionu oldu