Azərbaycanın cüdo üzrə kişilərdən ibarət milli komandası oktyabrın 17-də Meksikanın Qvadalaxara şəhərində start götürəcək Qran Priyə qatılacaq.
Sportfm.az xəbər verir ki, üç gün davam edəcək yarışda baş məşqçi Riçard Trautman və böyük məşqçi Elçin İsmayılovun başçılığı altında 7 çəki dərəcəsində 11 idmançı çıxış edəcək.

Onların arasında olimpiya çempionları Hidayət Heydərov və Zelim Kotsoyev də var.

Heyətə Əhməd Yusifov, Balabəy Ağayev (hər ikisi 60 kq), Ruslan Paşayev, Yaşar Nəcəfov (hər ikisi 66 kq), Hidayət Heydərov, Rəşid Məmmədəliyev (hər ikisi 73 kq), Vüsal Qələndərzadə, Zelim Tçkayev (hər ikisi 81 kq), Murad Fətiyev (90 kq), Zelim Kotsoyev (100 kq), Uşangi Kokauri (+100 kq) daxil edilib.

Qeyd edək ki, Qran Pridə 35 ölkədən 248 idmançı (154 kişi, 96 qadın) yarışacaq.

Oxşar xəbərlər

Millimizin cüdoçusu Qran-priyə qatılmayacaq - Zədəyə görə

Azərbaycan millisi Qran-priyə 11 cüdoçu ilə gedir

Hidayət Heydərov finalda - Böyük Dəbilqə

Azərbaycan millisinin heyəti açıqlandı - Böyük Dəbilqə

Cüdoçularımız Qran-pridə çıxış edəcək