UEFA Çempionlar Liqasında 2-ci turun oyunları davam edir.

Sportfm.az xəbər verir ki, Azərbaycan təmsilçisi “Qarabağ” da bu gün meydana çıxıb.

Qurban Qurbanovun komandası Bakıda Danimarkanın “Kopenhagen” klubunu qəbul edib. Matçı Niderlanddan olan türk əsilli hakim Serdar Gözübüyük idarə edib.

“Qarabağ” və “Kopenhagen” artıq avrokuboklarda 5-ci dəfədir ki, rəqib olurlar. İlk dəfə bu komandalar 1998-ci ilin yayında - o vaxt UEFA-nın Kuboklar kuboku adlanan yarışında üz-üzə gəlib və skandinaviyalılar hər iki matçda böyük hesabla qələbə qazanıb - evdə 6:0, səfərdə 4:0.

Komandaların 2017-ci ildə ÇL-in pley-off mərhələsindəki qarşılaşmalarda isə “Qarabağ” üstün olub. Bakıda 1:0 hesabı ilə qalib gələn Qurban Qurbanovun komandası səfərdə uduzsa da (1:2), o vaxtkı səfər qolu qqydası sayəsinsə tarixində ilk dəfə Çempionlar Liqasının Liqa mərhələsinə yüksəlib.

1 oktyabr

UEFA Çempionlar Liqası

Liqa mərhələsi, 2-ci tur

20:45. “Qarabağ” (Azərbaycan) – “Kopenhagen” (Danimarka) -2:0

Qol: Abdullah Zubir, 28, Emmanuel Addai, 83

Hakimlər: Serdar Gözübüyük, Ervin Zeynstra, Patrik İnya (Niderland)
Bakı.Tofiq Bəhramov adına Respublika stadionu

Oxşar xəbərlər

Azərbaycan təmsilçisi Gənclər Liqasında böyük hesabla uduzdu

Bu gün "Qarabağ" meydana çıxır - Çempionlar Liqası

"Qarabağ" - "Kopenhagen" matçını türk hakim idarə edəcək - Çempionlar Liqası

"Qarabağ", "Qarabağ", yenə də "Qarabağ"

“Qarabağ” Çempionlar Liqasının pley-off mərhələsində!