Taekvondo üzrə böyüklərdən ibarət Azərbaycan millisi İsveçrənin Sanqt-Qallen şəhərində keçirilmiş “Swiss Open 2025” beynəlxalq turnirində çıxış edib.
Federasiyanın mətbuat xidmətindən Sportfm.az-a verilən məlumata görə, Bəhruz Quluzadə (54 kq), Cavad Ağayev (80 kq) və Minayə Əkbərova (46 kq) bütün rəqiblərini üstələyərək qızıl medal qazanıblar.
Etac Qafarov (87 kq) gümüş, Qaşım Maqomedov (63 kq), Riad Şirəliyev (68 kq) və Səmərrux Osmanova (49 kq) isə bürünc medallara sahib çıxıblar.
Komanda üzvü Bəhruz Quluzadə yarışın ən yaxşı idmançısı seçilib.
Azərbaycan millisi yarışda ümumi komanda hesabında birinci yerə layiq görülüb. Turnirin yekununda kubok Dünya Taekvondo Federasiyasının prezidenti Çunqvon Çu tərəfindən Azərbaycan milli komandasına təqdim edilib.

Oxşar xəbərlər

Taekvondoçularımız beynəlxalq yarışda 2 medal qazandı

Taekvondoçularımız Qətərdə 5 medal qazandı

Tiranada 6 medal - Albaniya çempionatı

Taekvondoçularımız beynəlxalq turnirdə səkkiz medal qazandı - FOTO

Taekvondoçumuz “Sofia open” turnirində qızıl medal qazandı