"Bizdən nəticə gözləyən azarkeşlərimizdən üzr istəyirəm. Ümumiyyətlə, öz adıma deyirəm ki, heç nə alınmadı. Nə topu özümüzdə saxlaya bildik, nə topu ala bildik".

Sportfm.az xəbər verir ki, bu sözləri Azərbaycan millisini üzvü Emin Mahmudov ötə gecə DÇ-2026-nın seçmə mərhələsində İslandiyaya uduzduqları (0:5) görüş haqda danışarkən deyib.

O, baş məşqçi Fernandu Santuşun "Bu məğlubiyyətə görə hamı günahkardır" fikrinə münasibət bildirib: "Əlbəttə ki, hamımız günahkarıq. Futbolu meydanda biz oynayırıq. Mən heç kimi riskə atmaq istəmirəm. Bir futbolçu olaraq mən ən yaxşı oyunumu göstərmədim ki, deyim əlimizdən gələni etdik".

Yarımmüdafiəçi bütün futbolçuların bu məğlubiyyətə görə utandığını söyəyib: "Təbii ki, utanırlar. Elə bilməyin ki, biz uduzduqsa, rahat rahat gedrik. Hamı utanır, bilir ki, nəticə pisdir. Yaxşı nəticə qazanmağı biz də istəyirdik. İndiki halda deyiləcək bir şey yoxdur".

Oxşar xəbərlər

"Milli komanda qarşısında tələb yoxdur" - AFFA-nın baş katibi

"Onlar "Aris"dən üstün idilər" - Henninq Berq

"Gəncə"nin baş məşqçisi məğlubiyyətə görə üzr istədi

"Avropa Liqasında ən yaxşı oyunlarımızdan birini keçirdik” - Rəşad Sadıqov

"Kəpəz"in futbolçusu: "Bütün heyət şokdan ayıla bilmədi"