"Qarabağ" Çempionlar Liqasının 3-cü təsnifat mərhələsində Moldova "Şerif"ini mübarizədən kənarlaşdıraraq futbol tariximizdə bir ilkə imza atdı.

 

Sportfm.az saytı xəbər verir ki, bununla yanaşı, Ağdam klubu azərbaycanlı futbolsevərlərə heç vaxt canlı olaraq duymadıqları Çempionlar Liqasının himnini dinləmək imkanı yaradıb. Dünyanın ən məşhur bəstəkarlarından biri olan alman-ingilis Qeorq Fridrix Qendelin "Kahin və bağ" əsərinin Toni Britten tərəfindən aranjman edilməsi nəticəsində, 1992-ci ildə ərsəyə gələn himn hazırda Çempionlar Liqasının simvollarından biri hesab edilir. Məhz həmin il Çempionlar Kuboku adını daşıyan turnir Çempionlar Liqasına çevrilib. Çempionlar Liqasının himni UEFA-nın rəsmi dili olan - fransız, alman və ingilis dillərində təqdim edilir.