III MDB Oyunlarına hazırlaşan Gəncənin 2025-ci ildə Müstəqil Dövlətlər Birliyinin (MDB) “İdman Paytaxtı” seçilməsi ilə bağlı sertifikatın şəhər rəhbərliyinə təqdim edilməsi mərasimi keçirilib.

Gənclər və İdman Nazirliyinin mətbuat xidmətindən Sportfm.az-a verilən məlumata görə, Gəncə Şəhər İcra Hakimiyyəti, Gənclər və İdman Nazirliyinin təşkil etdiyi tədbir Heydər Əliyev Park-Kompleksində baş tutub.

Tədbirdən əvvəl Ümummilli Lider Heydər Əliyevin abidəsi ziyarət edilib, dahi liderin əziz xatirəsi ehtiramla yad olunub. Azərbaycanın Dövlət Himni səsləndirildikdən sonra Ulu Öndər Heydər Əliyevin və şəhidlərimizin əziz xatirəsi bir dəqiqəlik sükutla yad edilib.

Heydər Əliyev Mərkəzindən "Zəfər Tağı"nadək olan məsafədə müxtəlif idman növləri üzrə idmançıların nümunəvi çıxışları nümayiş olunub. Sonra Milli Qurtuluş Gününə həsr olunmuş videoçarx təqdim edilib.

Tədbirdə Gəncə şəhər İcra Hakimiyyətinin başçısı Niyazi Bayramov, Gənclər və İdman Nazirliyinin İdman şöbəsinin müdiri Elnur Məmmədov və MDB İcraiyyə Komitəsinin İctimai, sosial və humanitar sahələr üzrə əməkdaşlıq departamentinin direktor müavini Manuçehr Hojizoda çıxış ediblər.
Ardınca Gəncənin 2025-ci ildə Müstəqil Dövlətlər Birliyinin “İdman Paytaxtı” seçilməsi ilə bağlı sertifikat şəhər İcra Hakimiyyətinin başçısı Niyazi Bayramova təqdim olunub.

Tədbir bədii hissə ilə davam edib.

Qeyd edək ki, III MDB Oyunlarının açılışı iyunun 28-də, bağlanışı oktyabrın 8-də hazırda yenidən qurulan Gəncə şəhər stadionunda keçiriləcək.

Oxşar xəbərlər

“İdman Paytaxtı 2025”-in açılış mərasimi keçirilib - FOTO

Nazir rayon sakinləri ilə görüşdü

İslam Həmrəyliyi Oyunlarına dəstək tədbiri keçirilib

Velotrekdə Bədən Tərbiyəsi və İdman Günü qeyd edilib

Azərbaycan Kooperasiya Universitetinin komandası mini futbol turnirinin qalibi oldu - FOTO