Qazaxıstanın "Kayrat" klubu ötən həftə istefa verən Kaxaber Sxadadzenin yerinə baş məşqçi tapıb.

Sportfm.az xəbər verir ki, Karlos Alos Ferrer mövsümün sonuna qədər Almata təmsilçisini çalışdıracaq. İspaniyalı mütəxəssis daha öncə Qazaxıstanın U-17 komandasında və yerli federasiyada işləyib. Razılığa əsasən Ferer sentyabrda keçiriləcək "Prezident kuboku" və oktyabrdakı Avropa çempionatının seçmə mərhələ oyunlarına görə U-17 məşqçilərinin məsləhətçisi kimi fəaliyyətini davam etdirəcək.