UFC-nin Şöhrət zalının üzvü və keçmiş orta çəki çempionu Maykl Bispinq UFC-nin Azərbaycanda keçiriləcək ilk tarixi turniri çərçivəsində Bakıya gələcək.
Sportfm.az xəbər verir ki, Bakı Kristal Zalında təşkil olunacaq yarışın rəsmi şərhçiləri Maykl Bispinq, Brendon Fitzcerald və Pol Felder olacaqlar.

Eyni zamanda, UFC dünyasının canlı əfsanəsi Brus Baffer turnirin oktaqon aparıcısı olacaq.

Gecənin əsas qarşılaşması keçmiş UFC yarım ağır çəki çempionu Camal Hill ilə keçmiş titul iddiaçısı Xalil Rauntri arasında baş tutacaq. Gecənin ikinci əsas döyüşü isə Azərbaycan təmsilçisi Rafael Fiziyev ilə İqnasio Baxamondes arasında yüngül çəkidə keçiriləcək döyüş olacaq.

Qeyd edək ki, turnir iyunun 21-də keçiriləcək.

Oxşar xəbərlər

"İyunun 21-i Bakıda olacağıq" - Dana Uayt

UFC gecəsinə bilet satışı başladı

Həbib Nurmaqomedov Azərbaycana gələcək

UFC Azərbaycana gəlir - Anlaşma

Məhəmməd UFC-nin yeni çempionu oldu