Bu gün Azərbaycan Premyer Liqasında XXXI tura yekun vurulacaq.

Sportfm.az xəbər verir ki, günün ilk oyununda “Şamaxı” “Kəpəz”i qəbul edəcək.

Şamaxı şəhər stadionunda baş tutacaq qarşılaşmanı Cavid Cəlilov idarə edəcək.

“Şirlər” son 2 matçda qalib gəlməyib. Gəncə təmsilçisi isə son 4 səfərdə uduzmayıb.

“Şamaxı” 31 xalla 7-ci, “Kəpəz” 28 xalla 9-cudur.

Turun son görüşü isə “Zirə” və “Sumqayıt” arasında keçiriləcək. Zirə İdman Kompleksinin stadionundaki matçda ədaləti Rauf Cabarov qoruyacaq.

“Qartallar” 18 oyundur uduzmur. “Kimyaçılar” son 3 oyunda məğlub olub.

“Zirə” 58 xalla 2-ci, “Sumqayıt” 29 xalla 8-cidir.

Turun digər oyunlarında “Qarabağ” evdə “Neftçi”ni 3:0, “Sabah” isə “Səbail”i 3:2 hesabı ilə məğlub edib. “Turan Tovuz” səfərdə “Araz-Naxçıvan”la heç-heçə edib - 1:1.

Qeyd edək ki, “Zirə” xal itirəcəyi təqdirdə “Qarabağ”ın çempionluğu rəsmiləşəcək.

Azərbaycan Premyer Liqası
XXXI tur
20 aprel

16:30. "Şamaxı" – "Kəpəz"
Hakimlər: Cavid Cəlilov, Müslüm Əliyev, Eyyub İbrahimov, Elvin Bayramov
VAR: Nicat İsmayıllı
AVAR: Kamran Bayramov
Hakim-inspektor: Vüsal Əliyev
Şamaxı şəhər stadionu

19:00. "Zirə" – "Sumqayıt"
Hakimlər: Rauf Cabarov, Rahil Ramazanov, Teymur Teymurov, Əli Əliyev
VAR: Əliyar Ağayev
AVAR: Zeynal Zeynalov
Hakim-inspektor: Munis Abdullayev
Zirə İK stadionu

Oxşar xəbərlər

Tovuzdakı matçda ədaləti onlar qoruyacaq - TƏYİNAT

"Şamaxı" "Turan Tovuz"a, “Zirə” “Kəpəz”ə qarşı

"Araz-Naxçıvan" "Neftçi"yə qarşı - Misli Premyer Liqası

"Zirə" "Turan Tovuz"a, "Neftçi" "Kəpəz"ə qarşı - Misli Premyer Liqası

“Turan Tovuz” “Səbail”ə, “Sumqayıt” “Araz-Naxçıvan”a qarşı - Misli Premyer Liqası