Azərbaycan Basketbol Liqasında pley-off mərhələsinin bütün iştirakçıları bəlli olub.

Sportfm.az xəbər verir ki, pley-in mərhələsində qarşılaşan “Abşeron” və NTD kollektivlərinin duelində 81:74 hesabı ilə qələbə qazanan birincilər pley-offa yüksəlib.

Tərəflər arasında ilk oyunda “Abşeron” (88:74), ikinci görüşdə NTD (67:63) qalib gəlmişdi.

Növbəti mərhələyə adlayan digər komanda “Sərhədçi” olub. “Sumqayıt”a 96:94 hesabı ilə qalib gələn paytaxt təmsilçisi rəqibini mübarizədən kənarlaşdırıb.

Komandaların ilk görüşündə “Sərhədçi” (123:97), ikinci matçında isə “Sumqayıt” (100:97) qələbə qazanmışdı.

Daha əvvəl “Gəncə” “Lənkəran”ı (96:92, 100:74), “Ordu” “Quba”nı (88:74, 92:88) məğlub edərək pley-offa yüksəlib.

Oxşar xəbərlər

Üçüncü oyunlar nə vaxt baş tutacaq? - Pley-off

Səbətdə 123 xal qazandılar - ABL

Çempionlar Liqasında pley-offa yekun vuruldu

“Abşeron” “Sərhədçi”yə məğlub oldu

Çempionatda pley-offun iştirakçıları müəyyənləşdi