İngiltərənin "Mançester Siti" klubu mövsümün sonunda klubdan ayrılacaq kapitanı Kevin De Bruynenin heykəlini ucaldacaq.

Sportfm.az xəbər verir ki, "şəhərlilər"in baş məşqçisi Pep Qvardiola bunun gerçəkləşəcəyini anons edib.

"Stadionumuz "Etihad"ın ərazisində Kevin De Bruynenin heykəlinin ucaldılacağına mərcə girə bilərəm. Bunun olacağına tam əminəm", - deyə o vurğulayıb.

De Bruyne mövsümün sonunda Mançester təmsilçisindən ayrılacağını aprelin 4-də elan etmişdi.

Qeyd edək ki, Kevin De Bruyne 2015-ci ildən "Mançester Siti"də çıxış edir. O, 10 il ərzində altı dəfə İngiltərə Premyer Liqasını, beş dəfə Liqa Kubokunu, iki dəfə İngiltərə Kuboku və bir dəfə UEFA Çempionlar Liqasını qazanıb.

Oxşar xəbərlər

Qvardiola yeni mövsümün ilk kubokunu başı üzərinə qaldırdı - FOTO

“Globe Soccer”in ən yaxşısı Haland oldu

“Mançester Siti” nin futbolçusundan bahalı hədiyyələr

Çempionlar Liqasında mövsümün rəmzi komandası

"Mançester Siti"nin aparıcı futbolçusu zədələndi