Növbəti mövsümdən etibarən futzal üzrə Yüksək Liqada komandaların sayı artacaq. 

 

Sportfm.az saytının əldə etdiyi məlumata görə, ötən mövsüm Yüksək Liqada mübarizə aparan 7 komandadan biri "Olimpik"(Şirvan), yeni mövsümdə elitada çıxış etməyəcək. Əvəzində, arxada qalan mövsümdə Birinci Liqada liderlər qrupunda yer alan "Hell Energy", "İtaldizayn" və "Marafon" klubları Yüksək Liqada qüvvəsini sınamaq fikrindədirlər. Birinci Liqanın qızıl medallarını qazanan "Nəbi" komandasının rəhbərliyi isə Yüksək Liqada iştirak etməyi hələ ki, götür-qoy edir.