İki gün öncə köhnə Neftçibazada futbol veteranlarından biri ilə görüşdüm. Ömrünü Azərbaycan futboluna vermiş bu şəxs hazırda işsizdi.

Artıq uzun müddətdir özünə iş tapa bilmədiyini dedi. Kövrələrək "mən həqiqətləri dilə gətirdiyim üçün kənarda qalmışam", deyərək əvvəlki illərini xatırladı.

Soruşuram ki, "harasa müraciət etmisənmi?" - deyir, bəli, dəfələrlə AFFA-ya, Sərxan Hacıyevə məktub yazmışam. Məktub yazmışam deyəndə, artıq bildim ki, heç bir cavab almayıb. Çünki AFFA-ya yazılan heç bir məktuba cavab verilmir, əslində verilir, amma sərf edənlərə, belə məktublar isə təbii ki, cavabsız qoyulur. Və təbii ki, bu veteran futbolçumuzun da məktubu cavabsız qalıb.

Xeyli müddətdi işsiz qalan məşqçinin nə ilə dolandığını soruşuruam, cavabı dəhşətdi: "dostlar kömək edir".

Bəli, AFFA-nın idarə etdiyi Azərbaycan futbolunun reallığı budur. Bu taleni hazırda bir çoxları yaşayır. Futbol adamlarına qarşı etinasız davranan qurum rəsmilərinə bir söz deyəndə "onları işlə təmin etmək federasiyanın borcu deyil" deyirlər. Amma unudurlar ki, ölkədə ölməkdə olan futbolu ayaqda tutan bu adamlar olub.

AFFA-nın futbolla əlaqəsi olmayan şəxslərlə dolu olduğunu bilirik, Sərxan müəllim də onların başında gəlir. Öldürün, vurun, dağıdın bu ölkənin futbolunu, düz edirsiz...

Samir

Oxşar xəbərlər

ŞOK - Azərbaycanda məşqçi uşaqlarla söyüşlə danışır, pul alıb qaytarmır

AFFA ilə “Misli” arasında sponsorluq müqaviləsi imzalandı

"Çox da təfərrüata varmaq istəmirəm" - Elxan Məmmədov

Hacıyevə beynəlxalq təyinat

Sərxan Hacıyevə beynəlxalq təyinat