Fransanın paytaxtı Parisdə keçirilmiş Yay Olimpiya Oyunlarında gümüş medal əldə edən Azərbaycan taekvondoçusu Qaşım Maqomedov dünya reytinqində 2024-cü ili ikinci pillədə başa vurub.

Sportfm.az xəbər verir ki, bu, Dünya Taekvondosunun (World Taekwondo) rəsmi saytında dekabr ayı üçün açıqladığı reytinqdə əksini tapıb.

58 kq çəki dərəcəsində yer alan idmançının mövqeyində dəyişiklik olmayıb. O, 120 xalla ikinci sırada yer alıb.

Q.Maqomedovun Paris-2024-ün finalında məğlub olduğu Cənubi Koreya təmsilçisi Park Taejoon (200 xal) ilk sıradadır.

Qeyd edək ki, Qaşım Maqomedov qızıl medal uğrunda görüşdə zədələndiyi üçün döyüş vaxtından əvvəl başa çatmışdı.

Oxşar xəbərlər

Azərbaycanın medal sıralamasındakı yeri bilindi - Paris-2024

48 idmançıdan 7 medal - Paris-2024

Güləşçimiz “bürünc” qazandı - Paris-2024

Olimpiadada 4-cü medalımızı qazandıq - Paris-2024

Gənc taekvondoçumuz mundialda daha bir medal qazandı