"Portu" təcrübəli qapıçı İker Kasilyasla müqaviləni yeniləyib.

Sportfm.az xəbər verir ki, 36 yaşlı qapıçı daha 1 il "əjdahalar"ın şərəfini qoruyacaq. "A Bola" nəşri ispan qapıçının klubda qalmaq üçün məvacibinin 1.5 milyon avroya qədər azaldılmasına razı olduğunu yazır. Kasilyas 2015-ci ildə "Real"dan Portuqaliya təmsilçisinə keçmiş və "2+1" sxemi ilə müqavilə imzalamışdı. Amma rəhbərlik müqavilədəki əlavə 1 mövsüm bəndini aktivləşdirməklə bağlı bir müddət götür-qoy etməli oldu.