1-ci Liqanın 8-ci turunun hazırlığını davam etdirən “Qəbələ” yoxlama oyunu keçirib.

Sportfm.az xəbər verir ki, “qırmızı-qaralar” Ağcabədinin “Olimpiya” komandası ilə üz-üzə gəlib.

Region Liqası təmsilçisi ilə matç Qəbələ şəhər stadionunda baş tutub.

Görüş Kaxaber Sxadadzenin yetirmələrinin üstünlüyü ilə keçib. İlk 45 dəqiqədə doqquz qol vuran “Qəbələ” fasilədən sonra hesabı 20:0-a çatdırıb.

“Qəbələ”nin heyətində Elşad Tağıyev 4, Rəvan Əsədov 3, Oçe Oçoveçi, Ruslan Voronsov və Prins Ovusu hərəyə 2 qola imza atıblar. Nugay Rəşidov, Nicat Əliyev, Şahin Şahniyarov, Murad Musayev, Vüqar Həsənov, Abdullahi Şuaybu və Samir Həsənov hərəyə bir dəfə fərqləniblər.

Sabah daha bir yoxlama oyunu keçirəcək “Qəbələ” “Zaqatala” ilə üz-üzə gələcək. Qəbələ şəhər stadionundakı matç saat 15:00-da başlayacaq.

Oxşar xəbərlər

“Qəbələ" qələbə qazandı - Yoxlama matçı

"Qəbələ" güclü olduğunu sübut etdi

"Qəbələ" 4 oyun oynayacaq

“Qəbələ” “Sabah”a 2 cavabsız qolla qalib gəldi

“Qəbələ” hazırlığını başa vurdu