Bu gün Azərbaycan təmsilçisi "Qarabağ" Avropa Liqasının Liqa mərhələsində 4-cü tur matçına çıxacaq.

Sportfm.az xəbər verir ki, Ağdam klubu səfərdə Norveç "Bodo Qlimt"i ilə qarşılaşacaq. Görüş Bakı vaxtı ilə saat 21:45-də başlayacaq. Oyunu Portuqaliyadan olan hakimlər idarə edəcəklər.

Hazırda Avroliqanın turnir cədvəlində "Qarabağ" 0 xalla sonuncu - 36-cıdır. "Bodo Qlimt" isə 7 xalla 9-cu pillədə qərarlaşır.

Qurban Qurbanovun komandası 1-ci turda "Tottenhem"ə (0:3), 2-ci turda "Malmö"yə (1:2), 3-cü turda isə "Ayaks"a (0:3) məğlub olub.

"Bodo Qlimt" əvvəlcə "Portu"nu üstələyib (3:2), 2-ci turda "Yunion"la heç-heçə edib (0:0), daha sonra isə "Braqa"ya qalib gəlib (2:1).

"Qarabağ" və Bodo Qlimt" tarixlərində ilk dəfə üz-üzə gələcəklər.

Avropa Liqası, Liqa mərhələsi, 4-cü tur

21:45. "Bodo Qlimt" (Norveç) - "Qarabağ" (Azərbaycan)

Hakimlər: Luis Qodinyo, Rui Teixeira, Pedro Almeida, Andre Narciso (Portuqaliya)

"Aspmira" stadionu

Oxşar xəbərlər

"Qarabağ" Norveçə yollandı - FOTO

“Budo Qlimt” – “Qarabağ” oyununun hakimləri bilindi

"Qarabağ"ın Norveç planı məlum oldu

“Qarabağ”ın oyununa biletlər 48 manatdan başlayır

Çempionlar Liqasının oyunu təxirə salındı Hava şəraitinəgörə