Misli Premyer Liqasında 11-ci turun oyunları davam edir.

Sportfm.az xəbər verir ki, bu günə nəzərdə tutulan 2 matçdan 1-i artıq başlayıb.

Günün ilk görüşü Mərdəkanda keçirilib. “Araz-Naxçıvan” “Zirə” ilə üz-üzə gəlib. Oyun 1:1 hesablı heç-heçə ilə başa çatıb.

Çempionatda ikinci dövrə oynanılsa da, tərəflər mövsümdə ilk dəfə qarşılaşıblar. Çempionatın əvvəlində Rəşad Sadıqovun komandası UEFA Konfrans Liqasında çıxışını davam etdirdiyindən “Zirə” - “Araz-Naxçıvan” oyunu təxirə salınmışdı.

Beləliklə, Elmar Baxşıyevin komandası 21 xalla üçüncü, “Zirə” isə 17 xalla dördüncü pillədə qərarlaşıb.

İlk turda “Qarabağ”a uduzduqdan sonra Naxçıvan təmsilçisi keçirdiyi 8 oyundan 6-da qalib gəlib, yalnız 3 dəfə heç-heçə edib. “Zirə” isə son 3 turda qələbə qazana bilməyib.

Misli Premyer Liqası

XI tur

26 oktyabr

16:00. “Araz-Naxçıvan” - “Zirə” - 1:1

Qollar: Georgi Papunaşvili, 31 (0:1), Felipe Santos, 89 - pen. (1:1)
Hakimlər: Əliyar Ağayev, Zeynal Zeynalov, Akif Əmirəli, Əkbər Əhmədov
“Liv Bona Dea Arena”

Oxşar xəbərlər

“Araz-Naxçıvan” “Zirə”yə, “Səbail” “Sumqayıt”a qarşı - Misli Premyer Liqası

“Araz-Naxçıvan” "Şamaxı”nı uddu

"Sabah" "Araz-Naxçıvan"a, “Səbail” “Şamaxı”ya qarşı - Misli Premyer Liqası

"Zirə" "Araz-Naxçıvan"la heç-heçə etdi - Misli Premyer Liqası

“Araz Naxçıvan” “Qarabağ”a qalib gəldi - Misli Premyer Liqası