Azərbaycanın Baş naziri Əli Əsədov mayın 13-də Beynəlxalq Ağırlıqqaldırma Federasiyasının prezidenti Məhəmməd Caludla görüşüb.

Bu barədə sportfm.az saytına Nazirlər Kabinetindən məlumat verilib.

Bildirilib ki, görüşdə Azərbaycanda idmanın inkişafı məqsədilə həyata keçirilən ardıcıl tədbirlər barədə söhbət açılıb.

İdmançıların yüksək dövlət qayğısı ilə əhatə olunduğu, ölkədə müasir idman infrastrukturunun yaradıldığı bildirilib. Qeyd edilib ki, bütün bunlar idmançıların mötəbər beynəlxalq turnirlərdə uğur qazanmalarına zəmin yaradıb.
Azərbaycanda digər idman növləri ilə yanaşı ağırlıqqaldırmanın inkişafına və kütləviləşməsinə dövlət tərəfindən böyük diqqət yetirildiyi vurğulanıb.

Görüşdə Azərbaycan Ağırlıqqaldırma Federasiyası ilə Beynəlxalq Ağırlıqqaldırma Federasiyası arasında mövcud əməkdaşlığın möhkəmləndirilməsi ilə bağlı məsələlər müzakirə olunub.

Oxşar xəbərlər

Nazir beynəlxalq yarışlarda uğur qazanan idmançılarla görüşdü - FOTO

Nazir beynəlxalq yarışlarda uğur qazanmış idmançılarla görüşdü - FOTO

Federasiyasının vitse-prezidenti qərb bölgəsinə səfər etdi

İlham Əliyev Beynəlxalq Şahmat Federasiyasının prezidentini qəbul etdi - FOTO

İlham Əliyev FİDE prezidenti ilə görüşüb