Qvineya millisi 2024-cü ildə Parisdə keçirilən Yay Olimpiya Oyunlarında futbol turnirinin sonuncu iştirakçısı olub.
Sportfm.az xəbər verir ki, seçmə turnirin finalında afrikalılar İndoneziyaya 1:0 hesabı ilə qalib gəliblər. Yeganə qolu 29-cu dəqiqədə İlayş Moriba vurub. Qvineya 1968-ci ildən bəri ilk dəfə Olimpiadada iştirak edəcək.

Olimpiadada dörd qrupa bölünərək ümumilikdə 16 komanda iştirak edəcək. Avropanı fransalı ev sahiblərindən başqa Ukrayna, İspaniya və İsrail təmsil edəcək. Oyunların hazırkı qalibi Parisə vəsiqə qazana bilməyən Braziliya komandasıdır.

Qeyd edək ki, Olimpiya Oyunlarında yaşı 23-dən aşağı olan futbolçulardan ibarət komandalar iştirak edir. Hər komanda bu parametrlərə uyğun gəlməyən üç oyunçunu turnirə daxil edə bilər.

Oxşar xəbərlər

Çin Olimpiya Oyunlarına 405 atletlə qatılacaq

Paris bu gözəl qızı seyr edəcək - FOTO

Paris-2024: Millilərin qrupları bilindi

Braziliya millisi Olimpiya Oyunlarında olmayacaq

Afrika Millətlər Kubokunun bütün iştirakçıları bilindi