Fransa kubokunun final matçı keçirilib. 

Sportfm.az xəbər verir ki, "Stad de Frans" stadionunda baş tutan görüşdə PSJ və "Anje" üz-üzə gəlib. Gərgin keçən oyunda parislilər 1:0 hesabı ilə qalib gələrək, Fransa kubokuna sahib olub. Komandanın heyətində yer alan braziliyalı futbolçu Maksvell bu qələbə ilə 37-ci titulunu qazanıb. Belə ki, müdafiəçinin aktivində PSJ-də əldə etdiyi 15 trofeylə yanaşı, "Barselona"da 10, "Ayaks"la 6, "İnter"lə 5 və "Kruzeyro" ilə qazandığı bir titul var. Bununla da o, dünyada, klub səviyyəsində ən çox titulu olan futbolçu ünvanını əldə edib.