Azərbaycan karateçiləri Fransanın paytaxtı Parisdə keçiriləcək Premyer Liqa turnirində çıxış edəcəklər.

Sportfm.az xəbər verir ki, yanvarın 26-28-də gerçəkləşəcək yarışın mükafatları uğrunda millimizin 7 üzvü mübarizə aparacaq.

Kişilərin birinciliyinə Əminağa Quliyev, Fərid Savadov (hər ikisi 60 kq), Tural Ağalarzadə (67 kq), Turqut Həsənov (84 kq) və Asiman Qurbanlı (+84 kq) qatılacaq. Qadınlar arasında Fidan Teymurova (50 kq) və Mədinə Sadıqova (55 kq) fəxri kürsüyə yüksəlməyə çalışacaq. Öllkəmizi hakim qismində isə Cahangir Babayev və Vüqar Kərimov təmsil edəcək.

Milli komandamız Parisə Azərbaycan Karate Federasiyasının vitse-prezidenti Rəhman Hətəmov, baş katib Qabil Sayadov və qurumun İdarə Heyətinin üzvü Yaşar Bəşirovun rəhbərliyi altında yollanıb.

Oxşar xəbərlər

Premyer Liqa üçün heyətimiz bəlli oldu

Milliyə 21 idmançı dəvət olundu - SİYAHI

Millimizin heyəti açıqlandı - Beynəlxalq turnir

Karateçilərimiz beynəlxalq turnirdə mübarizə aparacaqlar - Birillik fasilədən sonra

Karateçilərimiz Premyer Liqada çıxış edəcəklər