Beynəlxalq Cüdo Federasiyasının (IJF) qərarına əsasən, 2024-cü il 1-3 noyabrında Bakıda keçirilməsi nəzərdə tutulan “Böyük Dəbilqə”nin vaxtı dəyişib.
Sportfm.az xəbər verir ki, “Dünya Cüdo Turu” seriyasına daxil olan turnir 16-18 fevralda gerçəkləşəcək.

Yarış Milli Gimnastika Arenasında baş tutacaq.

Azərbaycan Cüdo Federasiyasının baş katibi Rəşad Rəsullu vaxtın dəyişdirilməsinin səbəbini açıqlayıb:

“Bu tarixlərdə daha öncə Təl-Əviv “Böyük Dəbilqə” turnirinin keçirilməsi planlaşdırılırdı. Məlum hadisələrə görə təhlükəsizlik baxımından IJF bu yarışı təxirə saldıqdan sonra biz gələn ilin noyabrında keçirilməsi nəzərdə tutulan “Böyük Dəbilqə”nin 16-18 fevralda olmasını təklif etdik. Buna müsbət cavab verdikləri üçün IJF-yə təşəkkürümüzü bildiririk”

O, həmçinin vurğulayıb ki, yarışın fevral ayına keçirilməsi Paris-2024 Yay Olimpiya Oyunlarına lisenziya xallarının toplanmasına imkan verəcək:

“Bu yarış zamanı ev sahibi kimi hər çəkidə 4 idmançı sifariş edə biləcəyimizdən, bu da Olimpiya Oyunlarına lisenziya xallarının qazanılması baxımından müəyyən üstünlük yaradacaq”.

Oxşar xəbərlər

Avropa Kuboku Göygöldə keçiriləcək

Bakıda keçiriləcək "Böyük Dəbilqə"nin posteri təqdim edildi

“Böyük Dəbilqə” üçün millimizin heyəti müəyyənləşib

Bakıda beynəlxalq turnir keçiriləcək - Böyük Dəbilqə

“Böyük dəbilqə” turnirinin açılış mərasimi keçirildi