Almaniya yığmasının üzvü İlkay Gündoğan Almaniya Futbol Federasiyasının qərarını dəstəklədiyini bildirib.

Sportfm.az xəbər verir ki, söhbət AFF-nin növbəti mövsümdən Bundesliqanın matçlarını qadın hakim Bibian Ştaynhausu idarə etməsindən gedir. Gündoğan məsələ ilə bağlı bunları deyib:"Bundesliqa kimi gərgin çempionatda fit çalmaq üçün çox cəsarətli olmaq lazımdır. Hər kəs narahatdır, mən isə düşünürəm ki, Ştanyhaus öz işinin öhdəsindən layiqincə gələcək. Onsuzda kişi hakimlər xeyli səhvlərə yol verir". 

Qeyd edək ki, Bibian Ştaynhaus qadınlar arasında Çempionlar Liqasının final matçını idarə edəcək. Həmin görüşdə "Lion"la PSJ üz-üzə gələcək.