Sportfm.az xəbər verir ki, sərbəst güləş üzrə Avropa çempionu, əslən Ukraynadan olan Mariya Stadnik ukraynalı jurnalistlərə Azərbaycan yığmasına keçidi haqda danışıb.

 

"Məni Azərbaycanı dəstəkləməyə məcbur edən detalları bilmirəm, amma məni indiyə qədər xain adlandırırlar. Mənə tez-tez deyirlər ki, mən satıldım. Ancaq bu heç də belə deyil. Əslində, məni satdılar. Ukrayna federasiyası mənə görə yaxşı kompensasiyalar aldı. Yəni mən satılmadım, məni satdılar. Artıq dəqiq məbləğ xatırlamıram və təxminini danışmaq da istəmirəm ki, məni sonra buna görə qınasınlar. Amma o vaxt üçün bu yaxşı pul idi" deyə Mariya Stadnik bildirib.

 

Xatırladaq, Mariya Stadnik Azərbaycan yığmasının tərkibində Rio-da gümüş medal qazanıb.(virtualaz.org)