UEFA Çempionlar Liqasının ikinci təsnifat mərhələsinin ilk oyunları çərçivəsində səfərdə Polşa "Rakuv"una 2:3 hesabıyla uduzan "Qarabağ" qapı mövqeyi ilə bağlı hərəkətə keçib.
Ağdam təmsilçisinin əsas "çərçivə qoruyucusu" Şahruddin Məhəmmədəliyevin sözügedən görüşdə buraxdığı kobud səhvlər və ardından edilən kəskin tənqidlər son ölkə çempionunu bu addımı atmağa vadar edib.
Sportfm.az Offsideplus.az-a istinadən xəbər verir ki, "Qarabağ" İngiltərənin "Haddersfild" klubunun qapıçısı Li Niçollzla maraqlanır.
"Atlılar" Çempionşip təmsilçisində çıxış edən 30 yaşlı qolkiperi Şahruddin Məhəmmədəliyevə əvəzləyici olaraq görür.
Qeyd edək ki, "Uiqan" klubunun yetirməsi olan Niçollzun "Haddersfild"lə 2026-cı ilədək müqaviləsi var. Onun transfer dəyəri isə 900 min avrodur.
Onu da bildirək ki, təcrübəli "əlcək sahibi" çiynindən aldığı zədə səbəbilə bir müddət yaşıl meydanlardan kənarda qalacaq

Oxşar xəbərlər

"Qarabağ" sifariş ərizəsində dəyişiklik etdi - Avropa Liqası

Şahruddin "Adana Demirspor"da - RƏSMİ

Şahruddin ehtiyatda qaldı

“Qarabağ”da Şahruddin şoku

Şahruddin 33 yaşına qədər "Qarabağ"da - Müqavilə