Matc.az-ın əldə etdiyi məlumata görə, Premyer Liqa təmsilçisi 30 yaşlı mərkəz müdafiəçisi Roderik Millerlə razılığa gəlib. 

Miller peşəkar karyerasına ölkəsinin “San Fransisko” komandasında başlayıb. O, Meksikanın “Venados”, Kolumbiyanın “Atletiko Nasional”, Portuqaliyanın “Feyrense”, Qazaxıstanın “Okjetpes”, Perunun “Karlos Steyn” kimi klublarında legioner həyatı yaşayıb. 

2021-ci ildən isə müdafiəçi İraqda oynayır. 2021/22 mövsümü “Əl-Quva”da keçirən futbolçu son olaraq “Əl-Minaa”da çıxış edib. 

Panamanın U-20 və U-23 yığmalarında da oynamış Roderik ölkəsinin əsas yığmasında 33 oyun keçirib, 1 qol vurub.