"Konyaspor"da çıxış edən Azərbaycan millisinin futbolçusu Mahir Emreli Türkiyə Super Liqasının XXIII turundan təxirə salınmış "Fənərbaxça" ilə oyunda iştirak etməyəcək.

Sportfm.az xəbər verir ki, buna səbəb 26 yaşlı hücumçunun transferinin fevralın 6-dan sonra gerçəkləşməsidir.

Emreli ilə yanaşı Metehan Mert, Alexandro Posuelo, və Marlos Moreno da bu görüşü buraxacaq.

"Fənərbaxça" - "Konyaspor" qarşılaşması fevralın 25-də keçiriləcək. Fevralın 6-da oynanılması planlaşdırılan matç zəlzələyə görə təxirə salınmışdı.

Qeyd edək ki, Xorvatiyanın "Dinamo" (Zaqreb) klubuna məxsus olan forvardın Konya təmsilçisi ilə icarə müqaviləsi cari mövsümün sonunadək nəzərdə tutulub.

Oxşar xəbərlər

Emreli mövsümün ən zəifi oldu

Emreli “Konyaspor”da debüt etdi

"Konyaspor" Emrelini TFF-yə sifariş etdi - Türkiyə Super Liqası

Mahir "Konyaspor"da ilk məşqinə çıxdı

Emreli Türkiyə klubuna keçəcəkmi?